Pleyeri seçin:
FHN bu qazdoldurma məntəqəsinin fəaliyyətini niyə dayandırdı?
Masallıda maye qazdoldurma məntəqəsinin istismarı dayandırılıb.
Fövqəladə Hallar Nazirliyindən verilən məlumata görə, qurumun Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin müfəttişləri tərəfindən Masallı rayonunun Ərkivan kəndində fəaliyyət göstərən fərdi sahibkar İbrahim Ağabalayevə məxsus maye qazdoldurma məntəqəsində plan üzrə yoxlama aparılıb.
Araşdırma zamanı məntəqədə insan həyatı və sağlamlığı üçün təhlükə yarada biləcək pozuntular aşkarlanıb.
Nöqsanların dərhal aradan qaldırılmasının mümkün olmadığı, eləcə də insan həyatı və sağlamlığı üçün yaratdığı təhlükə nəzərə alınaraq maye qazdoldurma məntəqəsinin istismarı Agentliyin əməkdaşları tərəfindən dayandırılıb və pozuntuların aradan qaldırılması üçün tərtib olunan aktın bir nüsxəsi sahibkara təqdim edilib.
Kopyalandı
Seçilmişlər
