Füzuliyə yeni köçən ailələrə evlərinin açarları təqdim olundu

Bakının Qaradağ rayonundan Füzuliyə yola salınan növbəti köç karvanının qarşılanma mərasimi olub.

Tədbirdə Qaçqınların və Məcburi Köçkünlərin İşləri üzrə Dövlət Komitəsinin və Prezidentin Qarabağ iqtisadi rayonuna daxil olan işğaldan azad edilən ərazilərdə xüsusi nümayəndəliyinin rəsmiləri iştirak ediblər.

Mərasim zamanı doğma yurda qayıdan daha 27 ailəyə açarlar təqdim edilib. Bununla da Füzuli şəhərində 527 ailə – yəni 1969 nəfərin daimi məskunlaşması təmin edilib.