Gədəbəydə təhlükəli maye qazdoldurma məntəqəsi | FHN hərəkətə keçdi
Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi Gədəbəy rayonunda təhlükəsizlik qaydaları pozulmuş maye qazdoldurma məntəqəsinin istismarını dayandırıb. Bu barədə nazirlikdən məlumat verilib.
Bildirilib ki, agentliyin əməkdaşları tərəfindən Gədəbəy rayonunun Düzyurd kəndində fəaliyyət göstərən, fərdi sahibkar Elnur Vahid oğlu İsgəndərova məxsus maye qazdoldurma məntəqəsində plan üzrə yoxlama aparılıb.
“Yoxlama zamanı məntəqədə insan həyatı və sağlamlığı üçün təhlükə yarada biləcək pozuntular aşkarlanıb. Belə ki, maye qazdoldurma məntəqəsində 1 ədəd tutumun istismar müddətinin bitdiyi, tam texniki müayinələrinin aparılmadığı, nəzarət-ölçü cihazları və qoruyucu qurğuların yoxlanılmadığı müəyyən edilib.
Aşkar olunan pozuntuların dərhal aradan qaldırılmasının mümkün olmadığı, eləcə də insan həyatı və sağlamlığı üçün yaratdığı təhlükə nəzərə alınaraq, maye qazdoldurma məntəqəsinin istismarı agentliyin əməkdaşları tərəfindən dayandırılıb və pozuntuların aradan qaldırılması üçün tərtib olunmuş aktın və agentliyin qərarının surəti sahibkara təqdim edilib”, – məlumatda qeyd olunub.
#Gədəbəy teqi istifadə olunub
- "Evi yıxan da arvad olur" | Bu kənddə oxumayana qız vermirlər - KƏNDİNƏ QAYIT
- Gədəbəydə ailə münaqişəsi faciə ilə bitdi
- Novoivanovka kəndinin sirləri | Bu kəndi kimlər niyə tərk edib? - KƏNDİNƏ QAYIT
- "Səs gəlirdi, gördüm ki, pişiyi..." | Anasını döydüyü deyilən oğlan barədə dəhşətli iddialar
- Avropanı heyrətə salan Azərbaycan kəndi | Simens imperiyası bizə nə qazandırdı? - ARAŞDIRMA
