Gəncədə ailə onlara zərər vuran həkimdən şikayətləndi

Gəncədə yaşayan ailə qurd əleyhinə dərmanlardan sonra 5 yaşlı uşağın saçlarının töküldüyünü deyir.

Onlar müalicə üçün üz tutduqları klinikanın həkiminin müalicəni səhv apardığını bildirib və onlara dəyən zərərə görə kompensasiya ödəməyi tələb edir.

“Uşağın saçı seyrəlirdi, başı qaşınırdı. Məlahət xanımın yanına apardıq. Dedi ki, qurdu var. 4 dəfə yanına getdik, uşaqda saç tökülməsi daha da artdı. Dırnağı da tökülməyə başladı. Hər dəfə yanına gedəndə 700-800 manat vermişəm. Mənə 3-4 min manat ziyan vurub, uşağı da bu hala salıb”, – azyaşlının nənəsi deyib.

Məsələ ilə bağlı klinikanın həkimi Məlahət Qəhrəmanova bildirib ki, həmin xəstə saç yox, qurdla bağlı müraciət edib və müalicəsi isə normal aparılıb, ancaq ailə müalicəni sona qədər davam etdirməyib. Pul tələbi ilə bağlı iddiaya gəlincə isə ailəyə bir dəfə pul qaytarılıb, ancaq sonrakı tələb 2 il sonra olduğu üçün təmin edilməyib.