Gəncədə su içində batan müqəddəs abidəyə baxan yoxdur

Mövsüm boyu yağan yağışlar tarixi abidəni göl içində qoyub.

Söhbət Gəncədəki Comərd Qəssab türbəsindən gedir. İntensiv yağan və günlərlə çəkilməyən yağış suları hətta abidənin içərisinə daxil olaraq qalın palçıq təbəqəsi yaradıb.

Abidənin yaxınlığında onun 2004-cü ildə bərpa edildiyi və dövlət tərəfindən qorunduğuna dair lövhə yerləşdirilsə də, aidiyyəti qurumlar türbənin vəziyyəti ilə maraqlanmır.

Məsələ ilə bağlı Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən bildirilib ki, türbənin ətrafına yığılan suyun təmizlənməsi üçün müvafiq qurumlara müraciət olunub, abidənin mühafizəsi istiqamətində isə əlavə tədbirlər görülməsi nəzərdə tutulub.