Goranboyda yolda qalan qatarla bağlı ADY-dən açıqlama

Ağstafa-Bakı sərnişin qatarında nasazlıq yaranıb.

Sürət qatarı Goran stansiyasında yaranmış nasazlıq səbəbindən yolda qalıb. Qatarın hərəkətində saat yarım gecikmə olub.

Son məlumata görə isə sərnişin qatarında hərəkət bərpa edilib. Bu barədə “Azərbaycan Dəmir Yolları” QSC-dən bildirilib.

Qeyd edilib ki, qatarın yolda qalmasına səbəb ərazidə elektrik enerjisi təchizatında problem olmasıdır. Hadisə ilə əlaqədar olaraq ADY əməkdaşları sərnişinlərə tələbatlarına uyğun olaraq isti və soyuq içkilər, şirniyyat və müxtəlif qidalar paylayıblar.