Günümüzü qara ediblər! | Müəssisədə olanlar sakinləri özündən çıxardı

Xəzər rayonu Qala qəsəbəsi Yeni Qala küçəsinin sakinləri ilə ərazidə fəaliyyət göstərən dəmir məmulatları istehsalı ilə məşğul olan müəssisənin rəhbərliyi arasında mübahisə yaşanır.

Sakinlər müəssisənin ətraf mühitə zərərli tüstü buraxdığını bildirirlər.

“Səhər duranda tüstüyə görə nəfəs almaq olmur. Balalarımız, nəvələrimiz var. Özüm də infarkt keçirmiş adamam”, – şikayətçi deyib.

Sakinlərin sözlərinə görə, aidiyyəti quruma dəfələrlə müraciət emələrinə baxmayaraq, problem həllini tapmır.

Dövlət Ekoloji Təhlükəsizlik Xidmətindən məsələ ilə bağlı bildirilib ki, ötən il analoji şikayətlə bağlı müəssisədə araşdırma aparılıb:

“Müəssisə rəhbəri barədə qanunamüvafiq tədbirlər görülüb. Hazırkı şikayətlə bağlı müəssisədə araşdırmalar aparılır. Nəticəsi barədə ictimaiyyətə məlumat veriləcək”.