Pleyeri seçin:
Gürcüstanda müsabiqədə "Laçın"ı ifa edən gürcü qızı Baku TV-yə danışdı
Xəbərlərimizi Google-da izləyin
Yeniliklərdən dərhal xəbərdar olun
12 yaşlı gürcü qız “Laçın” xalq mahnımızı ifa edərək, hər kəsin rəğbətini qazanıb.
Belə ki, qonşu Gürcüstanın ictimai telekanalında yayımlanan “Ranina” uşaq musiqi yarışmasında iştirak edən Anastasia Vasadze Azərbaycan dilində “Laçın” xalq mahnımızı ifa edib. Onun bu ifası izləyicilər tərəfindən alıqlaşlarla qarşılanaraq, son günlərdə sosial şəbəkələrdə geniş paylaşılıb.
Baku TV-yə müsahibə verən 12 yaşlı ifaçı Azərbaycan mahnılarına marağından danışıb: “Mən kiçik yaşlarımdan mahnılar ifa edirəm. “Ranina” musiqi yarışmasında uşaqların çıxışlarını izləyəndən sonra özümü sınamaq qərarına gəldim və yarışa qatıldım. Burada mənə ifa etməyim üçün Azərbaycan mahnısını təklif etdilər. Mən buna çox sevindim. Ümumiyyətlə, deyərdim ki, Azərbaycan mahnıları çox gözəldir, onlara həmişə böyük marağım olub. Düşünürəm ki, yaxşı ifa edə bildim”.
Anastasia “Laçın” mahnısını ifa etmək üçün xüsusi hazırlıqlara getdiyini deyib: “Hər dərsdə özümü daha da inkişaf etdirirdim. “Laçın” mahnısını ifa etmək texniki cəhətdən çox çətindir. Nə yalan deyim, öyrənmək heç də asan olmadı. Ancaq bütün çətinliklərə baxmayaraq, müəllimlərimin köməkliyi ilə bu işin öhdəsindən gəldim”.
Kopyalandı
Seçilmişlər
