Cəmiyyət
Pleyeri seçin:
Hava limanında nasazlıq baş verdi
Martın 18-i səhər saatlarından etibarən Heydər Əliyev Beynəlxalq Hava Limanında sıxlıq yaşanıb. Bu barədə sosial şəbəkələrdə görüntülər paylaşılıb.
Sıxlığın yaranmasına səbəb Dövlət Sərhəd Xidmətinin pasport nəzarət sistemində problem yaranması olub. Bu səbəbdən vətəndaşların dövlət sərhədindən buraxılmasında ləngimələr yaranıb.
Sərnişinlər sistemin bir neçə saat donmasına baxmayaraq, onlara heç bir məlumatın verilmədiyini bildirib. Həmçinin təyyarə reyslərində də gecikmələrin olduğu deyilir.
Məsələ ilə bağlı Dövlət Sərhəd Xidmətindən bildirilib ki, martın 18-də “İAMAS” sistemində yaranmış texniki nasazlıq səbəbindən dövlət sərhədindən buraxılış məntəqələrində vətəndaşların və nəqliyyat vasitələrinin hərəkətində qısamüddətli ləngimələr yaranıb. Operativ olaraq həyata keçirilən tədbirlər nəticəsində nasazlıq aradan qaldırılıb, vətəndaşların və nəqliyyat vasitələrinin buraxılışı təmin edilib.
Kopyalandı
Seçilmişlər
