Havanın temperaturu 16 dərəcəyə kimi yüksələcək | Hava haqqında məlumat

Fevralın 13-14-də Bakıda və Abşeron yarımadasında, həmçinin bölgələrdə hava şəraiti dəyişkən buludlu, əsasən yağmursuz keçəcək. Mülayim cənub-şərq küləyi əsəcək.

Bu barədə Milli Hidrometerologiya Xidməti məlumat yayıb.

Havanın maksimal temperaturu Bakıda və Abşeron yarımadasında 16 dərəcəyədək yüksələcək, Aran rayonlarında 18-23, dağlıq ərazilərdə isə 7-12 dərəcə isti olacaq.

Fevralın 12-si axşamdan 15-dək Bakıda və Abşeron yarımadasında fasilələrlə duman olacağı gözlənilir. Bununla əlaqədar olaraq magistral avtomobil yollarının bəzi hissələrində görünüş məsafəsinin 200-700 metrədək məhdudlaşacağı ehtimalı var.