Cəmiyyət
Pleyeri seçin:
Həbsdən azad olunan idmançı Vüqar Kərəmov yenidən tutuldu
Azərbaycan MMA və Qrapplinq Federasiyasının baş məşqçisi Ruslan Əfəndiyevlə birgə həbs edilən, ötən həftə isə Xətai Rayon Məhkəməsinin hökmü ilə polis nəzarəti şərti ilə azadlığa buraxılan Vüqar Kərəmov yenidən həbs edilib.
Bakı Apellyasiya Məhkəməsi prokurorun protestini əsaslı hesab edərək onu təmin edib. Qərara əsasən, idmançı haqda həbs qətimkan tədbirinin dəyişdirilməsi ləğv olunub. Vüqar Kərəmov yenidən məhkəmə zalında həbs edilib.
Qeyd edək ki, Ruslan Əfəndiyev və tələbələri – Tofiq Musayev, Xəzər Rüstəmov, Vüqar Kərəmov, Mehman Məmmədov və Rüfət Əsədov ictimai yerdə vətəndaşa zor tətbiq edərək xuliqanlıq etməkdə ittiham edilirlər.
Məhkəmənin qərarı ilə Ruslan Əfəndiyev, Xəzər Rüstəmov, Vüqar Kərəmov və Rüfət Əsədov haqda həbs, Tofiq Musayev və Mehman Məmmədov haqda isə alternativ qətimkan tədbiri seçilib.
Kopyalandı
Seçilmişlər
