Həkimlərdən bu məhsullarla bağlı xəbərdarlıq | Xarab olmuş almalar da…

Çoxumuz qida məhsullarında kiflə rastlaşmışıq. Amma bilirsinizmi ki, belə məhsulların istehlakı sağlamlıq üçün ciddi təhlükə yarada bilər?

Kif göbələkləri tərəfindən istehsal edilən mikotoksinlər kanserogen təsirlə əlaqələndirilir, insan və heyvanlarda xərçəngin inkişafına gətirib çıxara bilər.

Rusiyalı infeksionist Vladimir Neronovun sözlərinə görə, ən məşhur mikotoksin “Aspergillus flavus” və “Aspergillus parasiticus” göbələkləri tərəfindən istehsal edilən aflatoksindir.

Həkim digər mikotoksin – xarab olmuş almalarda tapılan patulinin də potensial kanserogen aktivliyə malik olduğunu qeyd edib.

Kanserogen təsirdən əlavə, mikotoksinlər zəhərlənməyə, qaraciyər zədələnməsinə, böyrək funksiyasının pozulmasına və immunitetin zəifləməsinə səbəb ola bilər. Kif sporları allergik reaksiyalara gətirib çıxarır, bəzi kif növləri isə zəif immuniteti olan insanlarda infeksiyalara yol aça bilər.

Həkim bu amilləri nəzərə alaraq, görünən kif olan məhsulları, xüsusilə nəm məhsulları atmağı tövsiyə edib.