Hərbi hissələrdə hansı tədbirlər görülür? - MN-dən məlumat
2025-ci ilin hazırlıq planına uyğun olaraq, ordumuzun bütün qoşun növləri və hərbi hissələrində silahların, döyüş və xüsusi texnikaların, eləcə də aviasiya vasitələrinin yaz-yay mövsümü istismarı rejiminə keçirilməsi üzrə kompleks tədbirlər görülüb.
Hərbi hissələrin texniki xidmət məntəqələrində silahların və texnikaların yaz-yay mövsümündə fasiləsiz, dayanıqlı istismarını təmin etmək məqsədilə iqlim şəraitinin xüsusiyyətləri də nəzərə alınmaqla yanacaq-sürtkü materialları dəyişdirilib, elektrik sistemlərinin vəziyyəti yoxlanılıb və onlara mövsümi qulluq göstərilib.
Keçirilən tədbirlər çərçivəsində hərbi hissələr mərkəzləşdirilmiş qaydada zəruri ehtiyat hissələri və avadanlıqlarla tam təmin edilib.
Qeyd edək ki, silahların və texnikaların yaz-yay mövsümü istismarı rejiminə keçirilməsi ilə əlaqədar bölmələrin döyüş qabiliyyətinin daha da artırılması, eləcə də döyüşə hazırlığının yüksək səviyyədə saxlanılması üçün planlaşdırılan bütün tədbirlər təhlükəsizlik qaydalarına uyğun təşkil olunub.
#Müdafiə Nazirliyi teqi istifadə olunub
- Şərti terrorçu zərərsizləşdirilib, qrup rəhbəri ələ keçirilib
- XTQ-nin döyüş hazırlığı yoxlanılıb
- Azərbaycan desantları Konyada keçirilən "Anatolian Phoenix - 2026"da iştirak edir - Baku TV CANLI
- Qadın hərbçilər üçün MAXE müddətində hansı dəyişiklik edildi? - ANA XƏBƏR
- Türkiyəyə ballistik raket atılmasını qətiyyətlə pisləyirik | Azərbaycan Müdafiə Nazirliyi
