Heydər Əliyevin şəxsi fotoqrafının xatirələri

Ulu öndər Heydər Əliyevin şəxsi fotoqrafı Rafiq Bağırov Baku TV-yə müsahibə verib.

Ümummilli liderin şəxsi, işgüzar və ailə fotolarından ibarət zəngin arxivə sahib olan fotoqraf Heydər Əliyevlə işləməyin məsuliyyətindən danışıb: “Onunla 10 il çalışmağıma baxmayaraq, məzuniyyətdə olmamışam. Bu, onun nə qədər işgüzar insan olduğunu göstərir. Heydər Əliyev işində heç özünə də güzəşt etmirdi. O, istirahət etmirdi, xalqın gələcəyini düşünərək hər gün işdə olurdu”.

Heydər Əliyevin düzgünlüyə önəm verməsindən bəhs edən R.Bağırov onu aldatmağın qeyri-mümkün olduğunu deyib. “Hər adamın yalan danışmağını da, düzünü deməyini də hiss edirdi”, – deyə fotoqraf əlavə edib.