Cəmiyyət
Pleyeri seçin:
Horadiz-Cəbrayıl-Zəngilan-Ağbənd avtomobil yolunda tikinti işləri
Azərbaycan və Türkiyə prezidentləri tərəfindən təməli qoyulan, uzunluğu 123,6 kilometr olan Horadiz-Cəbrayıl-Zəngilan-Ağbənd avtomobil yolunun tikintisi sürətlə davam etdirilir.
Avtomobil yolu başlanğıcını Füzulinin Əhmədbəyli kəndindən götürməklə layihələndirilib və birinci texniki dərəcəli olaraq beynəlxalq magistral normalara uyğun tikilir.
Avtomobil Yolları Dövlət Agentliyinin mətbuat katibi Anar Nəcəflinin sözlərinə görə, layihə üzrə həyata keçirilən işlər çərçivəsində 27 körpünün 12-si artıq tikilib, 55 yeraltı keçidin isə tikintisi aparılır.
“Yolun 35 kilometrlik ərazisində isə müəyyən hissələr üzrə asfalt-beton örtüyünün alt və üst layı döşənib”, - deyə o qeyd edib.
Hazırda layihə üzrə işlərin 73 faizi yerinə yetirilib. Məlumata görə, tikinti işlərinin əsas hissəsinin 2025-ci ilədək başa çatdırılması planlaşdırılır.
Kopyalandı
Seçilmişlər
