İcra başçısı atla görüşə gəldi

İyunun 29-30-u Daşkəsən rayonu ərazisinə yağan intensiv dolu, yağışlar nəticəsində təbii fəlakətlərin vurduğu ziyanların aradan qaldırılması məqsədilə iyulun 1-də operativ müşavirə keçirilib.

Müşavirədən sonra Rayon İcra Hakimiyyətinin başçısı Əhəd Abıyev təbii fəlakətin ciddi ziyanlar vurduğu kəndlərdə, habelə yaylaqlarda olub, avtomobil hərəkət edə bilməyən yerlərə də atla gedib, təbii fəlakətin fəsadlarının aradan qaldırılması işlərinə nəzarət edib. İcra başçısı burada zərərçəkmiş sakinlərlə, fermer və çobanlarla görüşüb.