Cəmiyyət
Pleyeri seçin:
İsmayıllıda daha bir kənd qazla təmin olunub
30 ildən çoxdur mavi yanacağa həsrət qalan kəndə qaz verilib.
Söhbət İsmayıllı rayonunun ucqar yaşayış məskənlərindən biri olan Maçaxı kəndindən gedir. Kəndə illərdir qaz verilmədiyindən sakinlər bir sıra problemlərlə üzləşiblər.
Sakinlər qazın yoxluğunu daha çox qış aylarında hiss etdiklərindən odun sobasından istifadə etmək məcburiyyətində qalırdılar. Hətta həyətlərindəki meyvə ağaclarını da kəsib yandırmalı olublar.
Artıq aprelin 20-də kəndə mavi yanacaq verilib. Açılış mərasimində Rayon İcra Hakimiyyətinin rəhbərliyi, idarə və müəssisə rəhbərləri, kənd sakinləri iştirak ediblər.
Qeyd edək ki, Maçaxı kəndində ötən il çəkilişinə başlanılan qaz xətti bu il yekunlaşıb. Daha sonra qaz paylayıcılar və ayırıclar quraşdırılıb, bütün evlər sayğacla təmin olunub.
Kopyalandı
Seçilmişlər
