Kamil Zeynallı məhkəmədə ifadə verdi
Tanınmış idmançı Kamil Zeynallı da daxil olmaqla 7 nəfərə qarşı dələduzluqda ittiham olunan Emil Ağayevin cinayət işi üzrə məhkəmənin növbəti baxış iclası keçirilib.
Bakı Ağır Cinayətlər Məhkəməsində hakim Əli Məmmədovun sədrliyi ilə baş tutan prosesdə Kamil Zeynallı zərərçəkən qismində ifadə verib. Tanınmış idmançı təqsirləndirilən şəxs tərəfindən ona ödənilməli olan 17 min manat bu günədək qaytarılmasa da, o, dəymiş zərərlə bağlı iddiaçı olmadığını bildirib.
Bununla yanaşı, idmançı məhkəmədən törətdiyi əmələ görə təqsirləndirilən Emil Ağayevə layiqli cəzanın verilməsini istəyib.
Qeyd edək ki, təqsirləndirilən Emil Ağayev bir neçə nəfərin etibarından sui-istifadə edərək təmir-tikinti işləri adı altında həmin şəxslərə məxsus ümumilikdə 300 min manatı mənimsəməkdə ittiham olunur. Ona qarşı Cinayət Məcəlləsinin 178.3.2 – dələduzluq etməklə külli miqdarda ziyan vurma maddəsi ilə cinayət işi açılaraq ittiham irəli sürülüb.
#Kamil Zeynallı teqi istifadə olunub
- Kamil Zeynallıya qarşı dələduzluq edən şirkət rəhbərinin məhkəməsi keçirildi
- Kamil Zeynallıya qarşı dələduzluq edən şəxsə hansı cəza veriləcək?
- Kamil Zeynallını biz şikayət etdik, amma... | Vardapetyan Rusiyadan şikayətləndi
- Etdiklərim vətəndaşlıq borcum idi | Kamil Zeynallı 2-ci Qarabağ müharibəsindən danışdı
- Onunla danışandan sonra gücüm artdı | Kamil Zeynallı
