Kərə yağının bilmədiyiniz fəsadları | Sağlamlığa təhlükəli olan nüanslar açıqlandı

Kərə yağı bəzi insanların sağlamlığına təhlükədir.

Ekspertlər bildirirlər ki, kərə yağının qəbulu kəskin pankreatit və laktoza dözümsüzlüyü olan insanlar üçün tamamilə əks göstərişdir. Özü də onlara yağ təkcə təmiz halda deyil, çörək, bulka və digər xörəklərin tərkibində də olmaz.

Hamilə və süd verən qadınlarda çəki kəskin şəkildə artırsa, onlar da kərə yağı qəbulunu məhdudlaşdırmalıdırlar. 7 aylığa qədər uşaqlara isə bu məhsulu vermək məsləhət görülmür.

Mədə-bağırsaq problemləri olan yaşlı insanlara diyetoloqlar gündə 10 qramdan çox yağ yeməməyi məsləhət görürlər. Bu yaşda yağlı və kalorili qidalar çətin həzm olunur və xroniki xəstəliklərin kəskinləşməsinə səbəb ola bilər.

Bundan əlavə, kərə yağı artıq çəkisi, aterosklerozu, öd daşı xəstəliyi, ürək-damar xəstəlikləri, xüsusilə metabolik xarakterli xəstəlikləri olan insanlara əks göstərişdir. Bunun səbəbi məhsulun tərkibində xolesterinin yüksək olması və kalorililiyidir.

Qeyd edək ki, sağlam insanlara kərə yağı gündə 30 qramdan çox olmamaq şərti ilə faydalıdır. Təbii mənşəli olması, asan həzm olunması və qidalı maddələrlə zəngin tərkibi müntəzəm istifadə zamanı kərə yağının sağlamlığa müsbət təsirindən danışmağa imkan verir.

Enerji mənbəyi sayılır. Hüceyrələrin yenilənməsinə kömək edir ki, bu da zehni əmək zamanı iş qabiliyyətini və davamlılığı artırır.

Bundan başqa, xərçəng xəstəliklərinin profilaktikasına xidmət edir, hüceyrələri sərbəst radikalların təsirindən qoruyur və yaşlanma prosesini yavaşladır.

Gündəlik bu dozada istifadə qəbizlik riskini azaldaraq mədə-bağırsaq sisteminin işini normallaşdırır, selikli qişaların işini tənzimləyir, cinsiyyət hormonlarının sintezində iştirak edir, immuniteti gücləndirir, sümük sistemini və dişləri möhkəmləndirir. Ürək-damar sistemini yaxşılaşdırır, qan damarlarının elastikliyini və tonusunu qoruyur, görmə qabiliyyətini, həmçinin dəri, saç və dırnaqların vəziyyətini də normal saxlayır.