Koronavirus keçirmiş insanları hansı ciddi təhlükə gözləyir?

Pandemiya dövründə COVID-19-un əsasən tənəffüs yollarına təsir etdiyi bilinsə də, xəstəliyin uzunmüddətli fəsadları ilə bağlı araşdırmalar davam edir.

Son tədqiqatlar göstərir ki, koronavirus təkcə ağciyərlərə deyil, ürək, beyin, sinir sistemi və hətta immun sisteminə də ciddi təsir göstərə bilir.

COVID-19 keçirmiş şəxslər arasında ürək xəstəlikləri, xüsusilə miokardit və ürək ritmi pozğunluğunun, bundan əlavə, baş ağrıları, yaddaş zəifliyi, konsentrasiya çətinlikləri və hətta nevroloji xəstəliklərin çoxaldığı müşahidə olunur.

Pandemiya təkcə fiziki deyil, həm də psixoloji sağlamlığa da ciddi zərbə vurub. COVID-19 keçirmiş şəxslər arasında depressiya, anksiyete və posttravmatik stres pozğunluğu halları artır. Xəstəliyi yüngül və ya ağır formada keçirmiş bir çox insan aylarla davam edən yorğunluq, nəfəs darlığı və enerji çatışmazlığı kimi simptomlardan şikayətlənir.

Elm adamları COVID-19-un uzunmüddətli təsirlərini tam anlamaq üçün daha çox araşdırmaya ehtiyac olduğunu bildirirlər. Xəstəliklə mübarizə aparmaq və onun fəsadlarını azaltmaq üçün erkən diaqnoz və reabilitasiya mühüm əhəmiyyət kəsb edir.