Laçın sakinlərini qarşılayır | 25 ailə doğma yurduna yola salındı

Laçın şəhərinə keçmiş məcburi köçkünlərin qayıdışı davam edir.

Dekabrın 28-də daha 25 ailə – 80 nəfər doğma yurduna köçürülür.

Bakı və Sumqayıt şəhərlərindən, Abşeron rayonundan köçürülən 20 ailə (63 nəfər) Qaradağ rayonunda məcburi köçkünlər üçün tikilmiş “Qobu Park-3” yaşayış kompleksindən yola salınıb. Bərdə rayonunda yaşayan 5 ailə (17 nəfər) isə məskunlaşdıqları ərazidən yola salınacaq və Horadiz şəhərində köç karvanına qoşulacaq.

Beləliklə, bu gün doğma yurdlarına yola düşən keçmiş məcburi köçkünlər də nəzərə alınmaqla Laçın şəhərində 408 ailənin (1 555 nəfər) daimi məskunlaşması təmin edilib.

Qeyd edək ki, bu, 2023-cü ilin son köç karvanıdır. Keçmiş məcburi köçkünlərin doğma yurdlarına qayıtması prosesi 2024-cü ildə də davam etdiriləcək.