Taksilərdə minimum gediş haqqı nə qədər olacaq? | AYNA-dan açıqlama

Yeni qaydalara əsasən, iyulun 1-dən etibarən istehsal ili 15-dən yuxarı olan avtomobillər taksi kimi fəaliyyət göstərə bilməyəcək.

Lakin maraqlı bir fakt var. Baxmayaraq ki, Nazirlər Kabinetinin adıçəkilən qərarında minimum gediş haqqı ilə bağlı heç bir tələb yoxdur, taksi şirkətləri tərəfindən sürücülərə bu haqda artıq bildiriş göndərilib.

Sürücülərin sözlərinə görə, minimum gediş haqqı 4 manat 50 qəpik olacaq.

“Artıq bir neçə sürücüyə SMS gedib ki, minimum gediş haqqı 4 manat 50 qəpik olacaq. Belə olması normaldır, çünki hamı evindən çörək qazanmaq üçün çıxır”, – sürücü söyləyib.

Ekspertlərin fikrincə, ili köhnə avtomobillərin daşıyıcı şirkətlər tərəfindən bloklanması taksi çatışmazlığı yaradır. Nəticə etibarilə də qiymətlər artır.

“Qiymətlərin minimal forması dəyişə bilər. Bu qaçılmazdır. Çünki artıq 2 manat 50 qəpiyə çox nadir sifarişə rast gəlmək mümkündür. Amma bu nə qədər olacaq indidən demək çətindir. Çünki köhnə avtomobillər taksi fəaliyyətindən kanarlaşdırıldıqca bu proses özünü daha qabarıq şəkildə göstərir.

2010-cu il istehsalı olan avtomobillər belə sistemdə bloklanacaq. Hesab edirəm ki, hansısa formada müzakirələr olmalıdır və taksi sürücülərinin vəziyyətini nəzərə alaraq onlar üçün güzəştlər, faydalı imkanlar yaradılmalıdır”, – deyə nəqliyyat eksperti Elməddin Muradlı bildirib.