Laçında həlak olan hərbçi Səxavət Axundov Xaçmazda dəfn edildi

Azərbaycan Ordusunun Laçında avtomobil qəzasında həlak olan hərbi qulluqçusu Səxavət Axundov yanvarın 5-də Xaçmaz rayonunun Sayad kəndinin qəbiristanlığında dəfn olunub.

Mərasimdə mərhumun ailə üzvləri, rəsmi şəxslər və ictimaiyyət nümayəndələri iştirak ediblər.

S.Axundovun tabutuna sarılmış Azərbaycan bayrağı hərbçinin atasına təqdim olunub.

“Oğlum şəhidlik zirvəsinə ucalıb. Qürur duyuram ki, mənim övladım Vətən uğrunda şəhid oldu. Şəhidlər varsa, Vətən də var. Qurbansız Vətən yoxdur”, – Səxavət Axundovun atası deyib.

Qeyd edək ki, S.Axundov 2004-cü ildə Sayad kəndində anadan olub. Ailənin ikinci övladı olub. Hərbi xidmətini bitirməyinə 3 ay qalmışdı.