Lerikdəki dəhşətli hadisəyə aidiyyəti qurumdan reaksiya

Lerik rayonunda kəsilmiş toyuqların qanı çaya axıdılır. Bu barədə görüntülər sosial şəbəkələrdə yayılıb.

Belə ki, rayonun Piran kəndində yerləşən broyler sexində kəsilən toyuqların qanının çaya axıdılması oranı yararsız hala salıb.

Məsələ ilə bağlı Ekologiya və Təbii Sərvətlər Nazirliyinin tabeliyində olan Dövlət Ekoloji Təhlükəsizlik Xidmətindən bildirilib ki, “Lerik Broyler” MMC-nin fəaliyyətində çatışmazlıqlar və nöqsanlar aşkar edilib.

Hazırda aidiyyəti orqanlar tərəfindən araşdırma aparılır. Təhlillərin nəticələrinə bağlı olaraq cəmiyyət barəsində müvafiq tədbirlər görüləcək.