Mətbəxdə iş görən xanımlar diqqətli olun, yoxsa… | Evdəki qidaları necə saxlamalıyıq?

Mətbəx evin ən boş qalmayan yerlərindəndir.

Söhbət xanımı olan mənzillərdən gedir. "Kişinin ürəyinə yol mədəsindən keçir" məsəlini nəzərə alsaq, qadınların niyə mətbəxdə çox vaxt keçirdiyini anlamaq asandır.

Mətbəx həm də evin ən diqqətlə yanaşılmalı hissəsidir. Çünki yanğın da oradan başlaya bilər.

Bu dəfə yanğın təhlükəsizliyi yox, mətbəxdə yol verilən digər səhvlərdən bəhs edəcəyik. Məsələn ət, toyuq və balıq kimi məhsulları düzgün saxlamayanda bakteriyalar yayılır və qida zəhərlənməsi riski yaranır.

Meyvə-tərəvəzləri yumadan yemək həzm sistemində problem yaradır, çünki orqanizmə müxtəlif mikroblar daxil olur. Mətbəxdə yemək hazırlamadan öncə və ya çiy qidalara toxunduqdan sonra əlləri yumamaq bağırsaq infeksiyalarına yol aça bilər.

Bişirmə temperaturuna diqqət etməmək, köhnə və zədələnmiş tavalar, yemək yağlarını dəfələrlə istifadə etmək də görünməyən təhlükələrdəndir.