MİDA-dan güzəştli mənzillərin satışı ilə bağlı açıqlama
Bakının Yeni Yasamal və Hövsan qəsəbələrində, eləcə də Gəncə şəhərində güzəştli satışa çıxarılan 1189 mənzilin seçim prosesi başa çatıb.
Bu haqda Mənzil İnşaatı Dövlət Agentliyinin aparat rəhbəri Fərman Qurbanlı qurumun təşkil etdiyi brifinqdə deyib.
Satış prosesində əlavə təhlükəsizlik tədbirlərinin görüldüyü bildirilib. Bunun sayəsində hər hansı sürətli seçim halı qeydə alınmayıb.
Qeyd edək ki, Yasamal Yaşayış Kompleksinin ikinci mərhələsi üzrə 436, Hövsan Yaşayış Kompleksinin ikinci mərhələsi üzrə 510, Gəncə şəhəri, Gəncə Yaşayış Kompleksi üzrə 243 mənzil satışa çıxarılıb. “Mənzil İnşaatı Dövlət Agentliyinin sərəncamında olan mənzilləri vətəndaşların güzəştlə əldə etməsi Qaydası”na uyğun olaraq gözləmə qaydasında mənzillərin seçimi avqustun 3-ü saat 11-də başlayacaq və avqustun 11-i saat 11-dək davam edəcək.
![icon](/images/loading.png)