Mina qurbanından beynəlxalq təşkilatlara təsirli səsləniş

“Ağdam rayonunun işğaldan azad edilmiş hissəsində ərazilərin minalardan təmizlənməsi zamanı piyada əleyhinə minanın partlaması nəticəsində müxtəlif dərəcəli bədən xəsarətləri almışam. Sağ qolumun üçdəbir hissəsini, hər iki gözümdə görmə qabiliyyətini tamamilə itirmişəm”.

Bunu Fövqəladə Hallar Nazirliyinin (FHN) Akademiyasının məzunu, qazi mayor Süleyman Heydərov beynəlxalq təşkilatlara səslənərkən deyib.

“Minaya düşməyimdən sonra təkcə mən deyil, mənimlə bərabər ailəm də ağrı-acı yaşadı. Hər gün səhər mənim üçün günəş doğmur. Hər gün bir valideyn üçün övladını bu şəkildə görmək çox ağrılıdır”, – o qeyd edib.