MTK Nəsimi rayonunun sakinlərini evsiz qoydu | Məsələ həll olunacaq?

Paytaxtın Nəsimi rayonu, Mirəsədulla Mirqasımov 4 ünvanında tikinti şirkəti ilə vətəndaşlar arasında mübahisə yaşanıb.

Sakinlər iddia ediblər ki, sözügedən ərazidə tikinti şirkəti qeyri-qanuni olaraq söküntü işlərinə başlayıb:

“Bizi məcburi köçkün vəziyyətinə salıblar. Şirkət Fövqəladə Hallar Nazirliyindən, Baş Tikinti İdarəsindən rəsmi kağızları olmadan söküntüyə başladı. Söküntüyə başladıqdan sonra bütün qaz və su xətlərini dağıtdılar. Bəzi şəxsləri də aldatdılar. Onlara 2 ev əvəzinə 3 ev verəcəyik deyib buradan köçürtdülər”.

Tikinti şirkətinin nümayəndəsi Yavər Yavərzadə isə bildirib ki, vətəndaşlar evlərinin ölçüsündən 20 faiz artıq sahəsi olan mənzillərlə təmin olunacaqlar.

Qeyd edək ki, Nəsimi rayonu, Mirəsədulla Mirqasımov küçəsində vətəndaşlarla MTK arasında məsələ məhkəmədə baxılmaqdadır.