Naxçıvanda Hüseyn Cavidin ev muzeyi 8 aydır bağlıdır

Hüseyn Cavidin ev muzeyi təmir-bərpa işləri ilə əlaqədar 8 aydır bağlıdır.

Bu barədə Baku TV-nin Naxçıvan bürosundan məlumat verib. Muzeyin direktoru Tünzalə Dilanovanın sözlərinə görə, yanvar ayına kimi işlərin 80 faizi icra olunsa da, daha sonra yarımçıq qalıb.

O qeyd edib ki, muzeyə gələn ziyarətçilər Hüseyn Cavidin məqbərəsinə yönləndirilir: “Orada həm muzeyin yaranma tarixi, həm də Hüseyn Cavid haqqında məlumat verilir”.

Naxçıvan Muxtar Respublikası Mədəniyyət Nazirliyindən isə bildirilib ki, yarımçıq qalan təmir-bərpa işlərinin davam etdirilməsi üzrə aidiyyəti üzrə danışıqlar aparılır.