Nazirlik məlumat yaydı: ermənilərin hücumları müəyyən edilib

Ermənilərin Azərbaycan vətəndaşlarına qarşı yeni fişinq hücumları müəyyən edilib.

Bu barədə Xüsusi Rabitə və İnformasiya Təhlükəsizliyi Dövlət Xidməti məlumat yayıb.

Bildirilib ki, ermənilər müxtəlif teatrlara və tamaşalara saxta bilet satışı həyata keçirən veb-saytlar hazırlayaraq sosial mühəndislik yolu ilə vətəndaşları aldadırlar.

Onlara məxsus bank kartı məlumatlarının ələ keçirilməsi və pul vəsaitlərinin mənimsənilməsi üçün yeni metoda əl atırlar.

Dövlət Xidməti vətəndaşları bu cür hallara qarşı ayıq-sayıq olmağa, biletləri yalnız rəsmi satış nöqtələrindən və rəsmi satış veb-saytlarından əldə etməyə çağırır.