Pleyeri seçin:
“O oxumasın, alınmır” - Məşhurlaşan balaca xanəndə Raul Rusiyadan Bakıya kimə görə gəldi?
Baku TV 12 yaşlı xanəndə Raul Hüseynovun evindən reportaj hazırlayıb. Sosial şəbəkələrdə ifaları ilə tanınan Raul artıq minlərlə izləyicinin sevgisini qazanıb.
Onun paylaşdığı videolar milyonlarla baxış toplayır. İfaçı musiqi ilə uşaqlıqdan sıx bağlı olduğunu deyir:
“Muğamla böyümüşəm. Uşaq vaxtı muğamsız yatmırdım. Mən bu musiqinin içində doğulmuşam”.
Musiqi ilə yanaşı, Raulun ən böyük maraqlarından biri futboldur. O, xüsusilə “Qarabağ” futbol klubunun sadiq azarkeşidir:
“Futbolu çox sevirəm. Əsl “Qarabağ” fanatıyam. Klubda oynayan, adını çəkmək istəmədiyim bir futbolçu var, ona bir fenomen olaraq deyirəm ki, yaxşı oyna, özünü sıxma. Elə etmə ki, bir də “Qarabağ”ın oyunlarına baxmayım”.
Raul Hüseynov Rusiyada doğulub-böyüsə də, üç il əvvəl ailəsi onun arzusu ilə Bakıya köçüb. Səbəb isə tanınmış sənətkar Aybəniz Haşımovadan dərs almaq istəyi olub:
“Onun dərs üslubunu, ən əsası özünü çox sevirəm. Məhz ona görə Bakıya köçdük”.
Kopyalandı
#Raul Hüseynov teqi istifadə olunub
Seçilmişlər
