“Onlara görə nə qədər adam...” | 1-ci mərtəbədəki obyektlər sakinlər üçün təhlükə yaradır?

Bir neçə gün əvvəl Yasamal rayonunda çoxmərtəbəli yaşayış binasında baş verən yanğın nəticəsində 3 nəfərin ölümündən sonra hadisəyə bir neçə səbəb göstərilib. Onlardan biri də binanın 1-ci mərtəbəsindəki qeyri-yaşayış obyektləri – restoran və klinika idi.

Bu da paytaxtdakı bir sıra binaların 1-ci mərtəbəsindəki qeyri-yaşayış obyektlərinin təhlükəsizliyi məsələsini gündəmə gətirdi.

Baku TV mövzu ilə bağlı paytaxt sakinləri arasında sorğu keçirib. “Onlara görə nə qədər adam xəsarət alır. 1-ci mərtəbədə həmin obyektlər olmamalıdır. Təhlükə qaçılmazdır”, – vətəndaş deyib.

Kanalın çəkiliş qrupu həmçinin sözügedən obyektlərin aidiyyəti şəxslərindən yanğın təhlükəsizliyinə riayət edilib-edilmədiyini öyrənib.

Obyektlərin çoxundan bildirilib ki, aidiyyəti qurumlar tərəfindən vaxtlı-vaxtında yoxlama aparılır və əməkdaşlar yanğın balonlarından istifadə etməyi bacarırlar.