Övladlarınız sizə qarşı inamını itirə bilər | Ekspertlər həyəcan təbili çaldı

“Qışqırmamaq şərti ilə nə istəyirsə etsin!” — bu ifadəni hər mağazada, parkda və ya kafedə eşitmək olar.

Mübarizədən yorulan valideynlər övladına səhər şirniyyat yeməyə və ya cizgi filmlərinə baxmağa icazə verərək təslim olurlar. Ancaq bir neçə ildən sonra ona yeni oyuncaq verilməsə, qışqıran və planşetini söndürəndə anasını vuran bir canavarla qarşılaşırlar.

Sirr odur ki, uşaqlara icazə vermək əvəzinə, aydın sərhədlər yaratmaq lazımdır. Çünki uşaq qaydaların ağlamaq, qışqırmaqla pozula biləcəyinə öyrəşibsə, böyüklərə inamını itirərək onları təkrar-təkrar sınaqdan keçirəcək.

Ekspertlərin fikrincə, “seçimsiz seçim” metodunu sınamaqda fayda var. “Papağını geyin!” əvəzinə, “Qırmızı papaq geyinmək istəyirsən, yoxsa boz?”, — deyə müraciət edin.

Bundan əlavə, “üç dəqiqəlik qayda”dan istifadə edin: danışıqlara girmədən onun yanında səssizcə oturun. Belə olduğu halda, uşaq nəzarətdə olduğunu hiss edir və siz də öz istəyinizə çatırsınız.