Palma yağı barədə bilmədiyimiz həqiqət

Əksər məhsulların istehsalında istifadə olunmasına baxmayaraq, palma yağı haqqında insanlar arasında mənfi rəy formalaşıb.

Sakinlər deyirlər ki, ucuz və keyfiyyətsiz olduğunu düşündükləri üçün bu yağdan istifadəyə üstünlük vermirlər.

Mütəxəssislər arasında da palma yağlarının keyfiyyəti barədə fikir ayrılığına rast gəlmək mümkündür.

Qida üzrə texnoloq Seymur Qafarov deyir ki, bu yağ A və E vitaminləri ilə zəngindir: “Palma yağı beyinin funksiyasının qorunmasına və orqanizmdə A vitamininin artmasına kömək olur”.

Sağlam qidalanma mütəxəssisi Məhsəti Hüseynovanın sözlərinə görə isə palma yağı həzm sisteminin pozulmasına, ürək-damar xəstəlikləri olan insanlarda ağırlaşmaya gətirib çıxarır.