Parlamentdə təklif: son yaş həddi 70-ə qaldırılsın

“Dövlət büdcəsindən maliyyələşən təşkilatlarda çalışanlar üçün son yaş həddi 65-dən 70-ə qaldırılsın”.

Bunu Milli Məclisin Əmək və sosial siyasət komitəsinin sədri Musa Quliyev deyib.

Millət vəkili bildirib ki, yaş həddi insanın çalışma imkanına əngəl olmamalıdır: “Əgər bilik və bacarığı, sağlamlığı imkan verirsə, müvafiq sertifikasiya və attestasiyadan keçibsə, formal yaş məhdudiyyətinə görə insanları əmək fəaliyyətindən kənarda qoymaq doğru deyil. Bu, vətəndaşın konstitusiya ilə təmin olunan əmək hüququnun pozulmasıdır”.