Prezidentin erməni idmançıya jesti gündəm oldu
Avropa çempionatının seçmə mərhələsi çərçivəsində keçirilən Ermənistan - Türkiyə oyununda qardaş ölkə himninin İrəvanda fitə basılması müzakirələrə səbəb olub. Çünki bütün idman yarışlarında dövlət himnləri səslənərkən hörmət əlaməti olaraq hər kəs ayağa qalxır və ehtiram göstərir. Ermənilər isə bunun əksini ediblər.
Onların bu hərəkəti təkcə Azərbaycan və Türkiyədə deyil, bütün idman ictimaiyyətində tənqidlə qarşılanıb. Bu məqamda 2015-ci ildə Bakıda təşkil olunmuş Birinci Avropa Oyunlarında baş verən hadisə sosial şəbəkələrdə yenidən gündəm olub.
Belə ki, boks yarışlarında medal qazanan erməni əsilli Ukrayna idmançısı azərbaycanlı azarkeşlər tərəfindən fitə basılsa da, Prezident İlham Əliyev əl jesti ilə buna qarşı çıxıb. Ölkə başçısının bu addımı azarkeşlərin alqışları ilə müşayiət olunmuşdu.
Qeyd edək ki, İrəvanda baş tutan görüşdə ermənilər Türkiyə himnini fitə bassa da, qardaş ölkədə baş tutacaq təkrar oyunda yerli azarkeşlər Ermənistan himninə ehtiram göstərəcəklərini bildiriblər
![icon](/images/loading.png)