Pleyeri seçin:
“Qayınanam yeməyi əlimdən aldı ki, sən qazanmısan ki?!” | “Deyirlər, xanım nədir, "TikTok" nədir?!”
Xəbərlərimizi Google-da izləyin
Yeniliklərdən dərhal xəbərdar olun
“O vaxtlar” verilişinin budəfəki qonağı Qərbi azərbaycanlı Elnarə Əmiraslanova olub.
Ailə dəyərlərinin qorunmasının vacibliyindən danışan Elnarə Əmiraslanova gəlin, qayınana və qayınata münasibətlərində hörmət sərhədinin saxlanılmalı olduğunu vurğulayıb.
O, sosial şəbəkədə gördüyü görüntünü xatırladaraq deyib: “Bu yaxınlarda qarşıma bir video çıxdı. Qayınata gəlini qucağına alıb fırladırdı. Mən belə şeylərin əleyhinəyəm. Deyirik ki, qayınata da atadır, amma ata deyil, qayınatadır. Arada bir pərdə, hörmət olmalıdır”.
Qonaq qayınanası ilə bağlı yaddaşında qalan hadisələrdən də danışıb. Bildirib ki, bir dəfə qonşu ondan bir stəkan düyü istəyib. Düyünü qonşuya aparmaq istəyərkən qayınanası stəkanı onun əlindən alıb:
“Qayınanam soruşdu: “Bunu sən qazanmısan?”. Dedim ki, yox. Dedi ki, nə vaxt özün qazansan, onda kiməsə verərsən. Sonra düyünü özü qonşuya verdi. Bununla mənə başa saldı ki, evdə böyük var və müəyyən məsələlərdə əvvəlcə onunla məsləhətləşməliyəm”.
Altı il əvvəl həyat yoldaşını itirən qonaq həmin hadisədən sonra keçirdiyi hissləri belə ifadə edib: “Həyat yoldaşım rəhmətə gedəndən sonra heç nə dəyişmədi. Mən qadın olaraq özümü də onunla bərabər qəbirə qoydum”.
Kopyalandı
Seçilmişlər
