Qaynar yemək yeyənlərə xəbərdarlıq | Həkimlər nələri tövsiyə etdi?

Hamımız isti yemək yeməyə alışmışıq, onun daha sağlam olduğuna inanırıq. Bununla belə, həkimlər bəzi qidaların çox isti yeyilməsinin sağlamlığa ciddi təhlükə yaratdığını deyirlər.

Tələsməyə öyrəşmiş və yeməyin temperaturuna fikir verməyən insanlar xüsusilə diqqətli olmalıdırlar.

Məsələn kartof püresi, yəqin ki, bir çox insanın ən sevimli yan yeməyidir. Amma onun temperaturu 60 dərəcəni keçərsə, özofagus xərçənginin inkişafına təkan verə bilər. İsti kartofun tərkibində yüksək temperaturda mədə-bağırsaq traktını qıcıqlandıran nişastalı birləşmələr var.

Şorbalar və bulyonlar dadlı və qidalı yeməklərdir, xüsusilə soyuq mövsümdə faydalıdır. Halbuki ocaqdan təzəcə çıxarılan şorbanın temperaturu 70 dərəcədən yuxarıdır. Onu isti yemək olmaz, çünki bu, təkcə yanıqlara səbəb olmayacaq, həm də özofagusun uzun müddət zədələnməsinə gətirib çıxaracaq.

İsti şorbalar xüsusilə həssas selikli qişaları və xroniki mədə-bağırsaq xəstəlikləri olanlar üçün təhlükəlidir.