“Qiymətləri endirdik, yenə gələn yoxdur” | Toya maraq niyə bu qədər azalıb? - Baku TV

Azərbaycanda toy mərasimlərinə marağın azalması şadlıq evlərinin fəaliyyətinə də təsir göstərir. Əvvəllər, demək olar ki, hər gün toy mərasimləri keçirilən məkanlarda indi boş günlərin sayının artdığı bildirilir.

Sakinlər hesab edirlər ki, böyük toy mərasimləri əvəzinə daha kiçik və sadə məclislərə üstünlük vermək daha məqsədəuyğundur.

Onların sözlərinə görə, xüsusilə gənclərin maddi imkanlarının məhdud olması toy xərclərini qarşılamağı çətinləşdirir.

“Ən yaxşısı 50 nəfərlik toydur. Çox xərc çəkməyə ehtiyac yoxdur. Böyük toy məclisi artıq şeydir”, – deyə sakinlərdən biri mövzu ilə bağlı keçirilən sorğu zamanı söyləyib.

Restoran inzibatçıları da müştəri sayında azalma olduğunu bildirirlər. Onların sözlərinə görə, şadlıq evlərində menyu qiymətlərinə müəyyən endirimlər tətbiq olunsa da, əvvəlki tələbatı bərpa etmək mümkün olmayıb.

Bəzi məkanların hətta fəaliyyət istiqamətini dəyişərək mərasim evi kimi işləməyə üstünlük verdiyi qeyd olunur.