Qobu sakinlərinin su ilə sınağı | Vətəndaşlar isti yay günlərində niyə susuz qalıb? - Baku TV

Abşeron rayonunun Qobu qəsəbəsinin Süleyman Sani Axundov küçəsində yaşayan sakinlər aylardır içməli su problemi ilə üzləşdiklərini bildirirlər.

Onların sözlərinə görə, məsul şəxslər suyun verilməməsini nasosların işləməməsi ilə əlaqələndirsələr də, problem indiyədək aradan qaldırılmayıb.

Yay aylarında havaların isti keçməsi isə vəziyyəti daha da çətinləşdirib. Sakinlər gündəlik məişət ehtiyaclarını qarşılamaq üçün suyu xüsusi maşınlardan almağa məcbur olduqlarını deyirlər. Bu isə xüsusilə aztəminatlı ailələr üçün əlavə xərc yaradır.

“Bir ildən çoxdur ki, suyumuz gəlmir. Burada yaşayanların arasında şəhid ailələri, qazilər və aztəminatlı ailələr var. Suyu maşınla alırıq. Bir tonluq çəndə olan su üç gündən sonra bitir. Vəziyyət çox çətindir”, – deyə sakinlərdən biri bildirib.