Cəmiyyət
Pleyeri seçin:
Qubadlı - Eyvazlı yolunda hansı işlər görülür?
Qubadlı-Eyvazlı avtomobil yolunun inşası davam edir.
Bu barədə Azərbaycan Avtomobil Yolları Dövlət Agentliyi məlumat yayıb.
Bildirilib ki, 28,5 kilometr uzunluğa malik avtomobil yolu 2 zolaqlı olmaqla üçüncü texniki dərəcəyə uyğun olaraq inşa edilir.
Yol əsası hazır olan hissələrə artıq yeni asfalt-beton örtüyünün döşənməsi işlərinə də start verilib. Yeni inşa edilən yol boyunca müxtəlif diametrlərə malik 91 dairəvi boru quraşdırılıb.
Bundan başqa, layihə boyunca 16 kilometr uzunluğunda drenaj sistemi də inşa edilir.
Qeyd edək ki, Qubadlı-Eyvazlı avtomobil yolu Qubadlı rayonunun Mahmudlu, Xıdırlı, Müskanlı, Məlikəhmədli, Qudanlı, Davudlu və Eyvazlı kəndlərinin ərazisindən keçir.
Kopyalandı
Seçilmişlər
