Qulağın cingildəməsi hansı xəstəliklərin əlaməti ola bilər?

Tinnitus, yəni qulaq cingildəməsi. Bu, ciddi bir problem olmasa da, bəzi hallarda anemiya kimi xəstəliklərin əlaməti ola bilər.

Həkim Önder Polat bildirib ki, kişilərdə hemoqlobin səviyyəsi 14, qadınlarda isə 12 qramdan aşağı olarsa, bu, anemiya kimi diaqnoz edilə bilər. Anemiya tinnitus, başgicəllənmə və digər narahatlıqlara səbəb ola bilər.

Eritrositlər oksigeni toxumalara, karbon dioksidi isə ağciyərlərə daşıyır. Hemoqlobinin normadan yüksək olması “eritrositoz” və ya “polisitemiya” kimi təyin olunur. Bu vəziyyət bəzən xərçəng, böyrək xəstəlikləri və ya hipoksemiya ilə əlaqəli ola bilər.

Polisitemiya ürək-damar, qaşınma və digər problemlərə səbəb ola bilər. Hemoqlobin səviyyəsi aşağı olduqda isə yorğunluq, nəfəs darlığı, başağrısı, başgicəllənmə və dəri solğunluğu müşahidə edilə bilər.

Talassemiya, dəmir və B12 çatışmazlığı, xroniki xəstəliklər, müəyyən dərmanlar və ya qanaxma eritrositlərin azalmasına səbəb ola bilər. Bu simptomlar müşahidə olunarsa, dərhal həkimə müraciət etmək vacibdir.