"Arxalarında biz varıq" | Yeni "Leyli və Məcnun" | "Ərəb çöllərində yox, Azərbaycanda..." - Baku TV

Heydər Əliyev Sarayında dahi bəstəkar Üzeyir Hacıbəylinin ölməz əsəri “Leyli və Məcnun” operası təqdim olunub.

Baku TV kulisdən reportaj hazırlayaraq tamaşaya hazırlıq prosesini işıqlandırıb.

“Bu dəfə iştirakçılarımızdan beşi yenidir. Leyli və Məcnun obrazlarında Aytən Məhərrəmova və Fuad Əzizzadə çıxış edir. Hadisələr ərəb çöllərində yox, Azərbaycanda baş verir”, – deyə tamaşanın rejissoru Nicat Kazımov bildirib.

Məcnun rolunu ilk dəfə canlandıran Fuad Əzizzadə həyəcanını belə ifadə edib:

“İlk dəfədir Məcnun rolunu canlandıracağam və həyəcanlıyam. İnşallah, tamaşanı uğurla başa vurarıq”.

Xalq artisti, xanəndə Mənsum İbrahimov isə “Leyli və Məcnun”u həm tamaşaçı, həm də müəllim kimi izləyəcəyini söyləyib:

“Tələbələrimə baxarkən həmişə gülümsəyir, motivasiya verir və ruhlandırıram. Onların arxalarında biz varıq. İstedadı olan hər bir gəncə dəstək olmalıyıq”.