"BAKU TV" Türkiyədə vəfat edən tələbəmizin evində

Türkiyənin Malatya şəhərində fevralın 6-da baş vermiş zəlzələ nəticəsində dağıntılar altında qalan 4 azərbaycanlı tələbə − Samir Quliyev, Şahin Vəliyev, Hümam İsmayıllı və Gündüz Nəzərzadənin meyitləri uzunmüddətli axtarışdan sonra fevralın 14-də tapılıb.

Baku TV-nin əməkdaşları vəfat edən tələbəmiz Şahin Vəliyevin evində olublar.

Həlak olan gəncin nənəsi Solmaz Kazımova nəvəsinin ölüm xəbərini necə almasından bəhs edib: “Oğluma zəng etdim, dedi ki, ürəyim sıxılır, danışa bilmirəm, Şahinin meyitini çıxarıblar”.

“Mənə bu kuklanı ad günümdə qardaşım almışdı. Xəstə olsa da, qardaşımla yatardım. Çünki o mənim üçün dünyadan da əzizdir”, - deyə tələbənin bacısı göz yaşları içində danışıb.