"Çörəkdə bunlar varsa, qətiyyən yemək olmaz" | Mütəxəssisdən xəbərdarlıq - Baku TV
Vətəndaş iddia edir ki, aldığı çörəkdən cəmi bir gün sonra xoşagəlməz qoxu gəlməyə başlayıb və məhsul yemək üçün yararsız hala düşüb.
Bəs əvvəllər bir neçə gün istifadə edə bildiyimiz çörəyin ömrünün indi bu qədər qısa olmasının səbəbi nədir?
Baku TV mövzu ilə bağlı paytaxt sakinlərinin fikirlərini öyrənib.
“Fikrimcə, çörəyin tez xarab olması normaldır. Əgər tərkibində çoxlu kimyəvi maddə yoxdursa, tez xarab olmalıdır. Pis qoxu isə antisanitar şəraitdə saxlanılması ilə bağlıdır”, – deyə sakinlərdən biri bildirib.
“Çörəyə mayanı çox qatırlar. Ona görə də tez xarab olur”, – başqa bir sakin qeyd edib.
Qida mütəxəssisi Məhsəti Hüseynovanın sözlərinə görə, istehsal prosesini sürətləndirmək məqsədilə fermentasiya müddətini qısaltmaq üçün müxtəlif kimyəvi sürətləndiricilər və maya maddələrindən istifadə olunur:
“Bu, xəmirin normal acıma müddətini sürətləndirir və nəticədə, məhsul daha tez xarab olur. Eyni zamanda çörəyin isti-isti polietilen paketlərə yığılaraq satışa göndərilməsi, daşınma zamanı temperatur rejiminin dəyişməsi də onun tez xarab olmasına səbəb olur. Bəzi hallarda çörəklərdə konservantlardan istifadə edilməməsi də məhsulun rəf ömrünün qısa olmasına gətirib çıxarır. Əgər çörəkdə xoşagəlməz qoxu və ya kif müşahidə olunarsa, onu istehlak etməkdən imtina edilməlidir. Əks halda bu, daxili orqanların funksiyalarının pozulması və həzm sistemində problemlərlə nəticələnə bilər”.
#Çörək teqi istifadə olunub
- Çörəklərin tərkibindəki bu maddələr 5 il ərzində ağır xəstəlik yaradır - AKTUAL GÜNDƏM
- Çörəkdən imtina etmək zərərlidir? - Həkimlər və sakinlər danışdı
- Sağlamlığını fikirləşənlər bu çörəkləri almır | Efirdə gərginlik yaradan məsələ
- Böcək unu xəstəlik yaradır, yoxsa...? | Mütəxəssisdən heyrətləndirən açıqlama
- Satılan hansı çörəklər təhlükəlidir? | Diyetoloq və çörək texnoloqunun mübahisəsi
