"Hepatit E" virusunun yaratdığı kəskin xəstəliklər | Detallar açıqlandı

Viroloqlar, ekoloqlar və zooloqlardan ibarət beynəlxalq qrup hepatit E virusunun təkamül mənşəyini üzə çıxarıb.

Hepatit E virusun yaratdığı kəskin iltihablı qaraciyər xəstəliyidir və əsasən çirklənmiş su vasitəsilə ötürülür. Hepatit E virusunun səkkiz məlum genotipi vardır, lakin yalnız ilk ikisi insanlara yoluxur. Digər genotiplər donuz, dəvə və gəmiricilərdə aşkar edilib ki, bu da xəstəliyin zoonoz xarakterini göstərir. 

Tədqiqatın bir hissəsi olaraq alimlər yarasalar, gəmiricilər də daxil olmaqla məməlilərin genomik məlumat bazalarında virus genlərini axtarıblar.

Bundan əlavə, onlar Latın Amerikası, Asiya və Afrikadakı 108 heyvan növündən toplanmış 2 565 qaraciyər nümunəsini tədqiq ediblər. Nəticədə 14 növə aid 63 nümunədə hepevirus RNT-si, ribonuklein turşusu aşkar edilib ki, bu da onun təkamülü ilə bağlı yeni məlumatları müəyyən etməyə imkan verib.

Tədqiqatçılar toplanmış materialın təhlili əsasında 24 unikal hepevirus genomunu müəyyən ediblər. Ən böyük genetik müxtəliflik gəmiricilər arasında müşahidə olunub, bu da virusun yayılmasında və təkamülündə onların əsas rolunu vurğulayır.