"Kimsə gəlib girib bura" | Tikinti şirkəti vətəndaşın əmlakına ziyan vurub? - Baku TV
Binəqədi rayonu, Rəsulzadə qəsəbəsi, Aydınbəyov küçəsi, 18 ünvanında yaşayan Elşən Hüseynov iddia edir ki, ərazidə yeni bina tikən şirkət ona məxsus həyətin hasarını söküb.
O bununla bağlı Baku TV-yə danışıb.
“2021-ci ildən “Xəmsə Palace 2021” MTK tərəfindən burada iki bina tikilməyə başlanılıb. Altı ay bundan öncə gecə vaxtı ekskavatorla hasarımızı uçurdular. Bununla bağlı məhkəməyə müraciət etdik. Məhkəmənin qərarına əsasən, onlar hasarımıza müdaxilə edə bilməzlər. Bir həftə əvvəl ərazidə yenidən qazıntı işlərinə başlayanda hasarımızın yerdə qalan hissəsi də uçdu. Bu gün onu sökdülər, sabah həyəti də qazacaqlar”, – deyə Elşən Hüseynov bildirib.
Məsələ ilə bağlı Binəqədi Rayon İcra Hakimiyyətindən qeyd olunub ki, aidiyyəti qurumlarla birlikdə əraziyə baxış keçirilib və fakt öz təsdiqini tapıb:
“Zərərçəkən vətəndaşın iştirakı ilə şirkətin məsul əməkdaşlarına xəbərdarlıq edilib”.
#Binəqədi rayonu teqi istifadə olunub
- "Evə çıxırıq, yenə cərimə gəlir" | Parklanma yeri yoxdursa, nə etməli? - Baku TV
- FHN-dən Binəqədidə baş verən dəhşətli hadisə barədə açıqlama - Baku TV
- Binəqədidə yanğın baş verən ərazidən son görüntülər - Baku TV
- Külək yanğının söndürülməsinə mane olur | FHN hadisə yerində - Baku TV
- Binəqədidə yanğın hadisəsi | Baku TV hadisə yerində - Baku TV
