"Laçın" sərhəd-buraxılış məntəqəsi mərkəzdənqaçma meyillərini zəiflədib

Ermənistanla Azərbaycanın Qarabağ iqtisadi rayonunda yaşayan erməni sakinləri arasında yerüstü əlaqə bu əhali qrupunun Azərbaycan cəmiyyətinə reinteqrasiyası yolunda başlıca maneədir.

Bu barədə “Caliber”in "YouTube" kanalında yayımlanan yeni süjetdə bildirilir.

“Laçın sərhəd-buraxılış məntəqəsinin qurulmasından öncə ermənilər reinteqrasiya barədə heç düşünmək belə istəmirdilər. Belə ki, Laçın yolu ilə Ermənistana hərəkət onlar üçün tam sərbəst idi ki, bu da mərkəzdənqaçma meyillərinə xidmət edirdi.

Lakin sözügedən məntəqənin qurulması və son təxribatlardan sonra Laçın yolu ilə hərəkətin məhdudlaşdırılması mərkəzdənqaçma meyillərini xeyli zəiflədərək, əks qüvvələri hərəkətə gətirdi”, – deyə videomaterialda vurğulanır.