Pleyeri seçin:
"Özünü o qədər peyğəmbər elan edən olub ki..." | Dinə ehtiyac necə yarandı? - AMİN
“Amin” verilişinin yeni buraxılışında Əməkdar incəsənət xadimi Firuz Mustafa ilə fəlsəfə və din mövzusu müzakirə olunub.
O, filosofluq anlayışı və fəlsəfənin mahiyyətindən söz açıb:
“Filosof dünyaya müəyyən bucaq altında baxır. Fəlsəfənin mahiyyətində isə ümumiləşdirmə dayanır: ayrı-ayrı hadisə və proseslər toplanır, təhlil edilir və onlardan nəticələr çıxarılır. Məncə, filosof mahiyyət etibarilə nəticələrin rasional və ya irrasional olmasını təhlil edir”.
Firuz Mustafa həmçinin bəşəriyyətin düşüncə tərzinin dəyişəcəyi ilə bağlı fikir yürüdüb:
“2025-ci ildə yaşamağımıza baxmayaraq, hələ də aramızda düşüncə baxımından daş dövründə qalanlar var. Mənə elə gəlir ki, zaman keçdikcə dünyada sərhədlər tədricən aradan qalxacaq. Yəni bəşəriyyətin düşüncə tərzində müəyyən bərabərləşmə baş verəcək. Milli dəyərlər yaxşıdır, lakin zamanla onların sərhədləri aşdığının şahidi olacağıq”.
Kopyalandı
Seçilmişlər
