Sağlam yuxu üçün nələrə diqqət yetirmək lazımdır?

Sağlam bir yuxu üçün yorğanın çəkisinə diqqət yetirilməlidir.

Los-Ancelesdəki Kaliforniya Universitetinin yuxu mütəxəssisi Neyl Veyli bildirib ki, yorğanın ağırlığı insanın çəkisinin 10 faizinə bərabər olmalıdır. Bununla belə, həmin yorğanları yeniyetmə və körpələrin üstünə örtmək olmaz. Çünki ağır yorğanlar hərəkətə və nəfəs almağa mane ola bilər.

Yuxu pozğunluğu və ya tənəffüs problemi olan insanlar da ağır yorğanlardan istifadə etməzdən əvvəl həkimə müraciət etməlidirlər.

Başqa tədqiqatçılıarın fikrincə, yorğanın bədən boyunca bərabər paylanması sinir sistemini sakitləşdirir.

Bununla yanaşı, ağır yorğanların insanda sevgi hormonuna təsir etdiyini düşünən elm adamları da var. Əlavə təzyiq oksitosin istehsalına kömək edir. Bu hormon qucaqlaşma kimi təmaslar zamanı da yaranır və narahatlıqları azaldır.

Yorğanın əlavə çəkisi soyuq havalarda bədəni isti saxlayır, bəzi insanlara isə ümumiyyətlə gündəlik problemlərini unutdurur. Belə olan halda isə yuxuya tez getmək asanlaşır.